Kva er ein prompt?

Ein prompt er rett og slett det du skriv til ein AI: spørsmålet, instruksjonen, oppdraget. Ordet høyrest teknisk ut, men det næraste norske ordet er "førespurnad".

Det som gjer ein prompt god, er det same som gjer ein førespurnad til ein kollega god: sei kven du er, kva du vil ha, kva du har med deg, kor langt svaret skal vere og kva som ikkje skal med. "Skriv noko om møtet vårt" gir eit vagt svar. "Her er notata mine frå leiarmøtet, lag eit referat: kva som vart vedteke, av kven, og kva som skal skje til neste gong" gir noko du kan bruke.

Ein vanleg misforståing er at det finst magiske formuleringar. Det gjer det ikkje. Det som finst, er tydelegheit: jo meir av tankane dine som kjem med i førespurnaden, jo mindre treng AI-en å gjette.

I EuroWork finst det 42 ferdige samtalestartarar som er skrivne nettopp for å lære bort dette mønsteret i forbifarten: den som klikkar nokre gonger, byrjar å skrive slik sjølv.